أخر الكلام .. بالبلدي الفصيح


بشأن الدعوات لدعم بثينة كامل للذهاب للأمم المتحدة

في رد على بعض أصدقاء الفيس بوك

يمكن كلامي مايعجبكوش بس أنا مع أي خطوة تتاخد لكن بعد إنتهاء المرحلة الإنتقالية. كل إللي بيحصل طبيعي من فوضى ومشاكل مع العلم بأني لا أستهين أو أستخف إطلاقاً بما حدث ويحدث خاصة يوم ماسبيرو الأسود.

يا جماعة لازم نبص للصورة كللها ولازم نكون واقعيين. ومانوصلش نفسنا لمرحلة تدخل أجنبي زي العراق – مع إحترامي للعراقيين . معنى إنك تاخد خطوة الأمم المتحدة إنك بتفتح الباب لكل من هب ودب إنه يحط رجله في بلدك وتسلمهم المفتاح.

أحياناً المشاكل إللي عايشينها بتكون أهون من إنك تدخل الإستعمار تاني بلدك وإنت عارف مين مسيطر على كيانات زي الأمم المتحدة ومجلس الأمن. دي خطوة خطيرة لازم تكون محسوبة كويس. مصر دلوقتي عاملة زي الطيارة بيقودها كابتن طيار عسكري أول مرة يسوق طيارة مدنية متعود على إن كل إللي معاه في الطيارة يطيعوا أوامرة حاضر ونعم يافندم فجأة لقى نفسة سايق طيارة مدنية ومتأخر في الإقلاع وكل الركاب بيشتموا فيه وبعدين أقلع وكل شوية حد يولع في جناح يطفيه حد تاني يولع في الجناح تاني يطفيه. وبعدين موتور يعطل وشوية حد يولع في الديل. وشوية هو كمان حايبتدي يولع فيها لأنه حايقول عليا وعلى أعدائي مش عاجبكم يبقى أولعها أنا. دة إللي حصل يوم ماسبيرو.

والمصيبة الأكبر إن مساعد الكابتن ضعيف ومحتاس وهو مجلس الوزراء. كلامي مش محاولة لتبرئة ساحة المجلس لأ المجلس مسؤل مسؤلية كاملة لكن للأسف مش قادر يتحمل أو ما إتعودش على الضغط السياسي وكان لازم يسلمها لمجلس رئاسي مدني من أول يوم. لكن مع إفتراض سوء النية. يبقى المجلس يا إما كلله خاين يا إما من بينهم خائنون وممكن يكون في إنقسام داخلي. أما مع إفتراض حسن النية يبقى المجلس إنضحك عليه وبينضحك عليه من فلول مبارك لأنه مش عارف يلعب سياسة ولازم ينتبهوا.

أنا أرجو منكم ترشحولي أسماء لمجلس رئاسي ممكن يحكم مصر دلوقتي. أؤكد لكم كم الخلافات والمشاحنات. إللي موجودة بين الأحزاب وأشباه الأحزاب وحتى المستقلين وحتى إئتلافات الشباب حالياً – وإن إتفقوا ظاهرياً. – لا تشجع على ذلك. أتمنى أن يتحد الشباب وأنا ناديت بكدة كتير عشان بفوتوا الفرصة على من أراد أن يستغل خلافاتهم. كل واحد عايز حتة من التورتة. وإذا تطورت الأمور والخلافات السياسية بينهم حتلاقي كل واحد منهم عايز يستقل وبعدين يبدأ يعمل ميليشيات زي ميليشيات عون وغيرهم في لبنان.

عندي سؤال: كل. شباب الثورة على تويتر بيشتكوا إن الفلول هما إللي بيرشحوا نفسهم اليومين دول في الإنتخابات طيب ليه إحنا مابنرشحش نفسنا؟ ليه بنسيب الساحة لهم ونفضل نعيط؟. ماهو طبيعي جداً إنهم يفوزوا لأن ماحدش نازل ينافسهم. والجو اليومين دول بيسمح إنك تترشح مهما كانت مشاكله مش زي أيام مبارك. يعني روح رشح نفسك وقدملي أنا كمواطن برنامج أنتخبك عشانه.

أنا متابع تويتر كل يوم وللأسف أنا مش في مصر وعندي معظم شباب الثورة من االمعروفين. أنا مؤمن بيهم جداً لكن حزين إن الجهاد على تويتر وتيرته أعلى كتير من إتخاذ خطوات حقيقية على الأرض. ياسيدي روح رشح نفسك عشان أنتخبك لكن مش حنتخبك على تويتر أو الفيسبوك. وقلت هذا الكلام. غير كدة مشكلة المظاهرات إن أي مظاهرة سلمية مرصودة من البلطجية على تويتر وفيسبوك لأن الشباب بيبعتوا لبعض الأماكن والمواعيد بالتالي أي حد عامل فولو ليهم حايعرف وحايروح يستناهم بالسنج والمطاوي والمولوتوف. ويا إما يضربوهم أو يفسدولهم المظاهرة السلمية. الموضوع متشعب ياجماعة ولا يجب أن ننساق وراء. كل كبيرة وصغيرة. أنا عارف وشايف إن في تخاذل وتباطؤ وربما تواطؤ. مش معنى كدة إننا كمان نتخاذل لكن لازم نمشي بالتوازي نستمر في الثورة السلمية لكن نشتغل لمصلحة البلد سياسياً وعلى الأرض ونبني كيانات سياسية ومنظمات عمل مدني حقيقية تساعد الناس وتهتم بالمشاريع والتنمية.

الترجمة الحقيقية لما يقوم به كل من البرادعي وموسى وبثينة كامل حنشوفها فين؟ حنشوفها لما يكون في مشاريع وبرامج تنمية عشان حضرتك وأنا وغيرنا نشتغل وننتج. حنشوفها لما يكون في كيانات أمينة على البلد. طيب قوللي حضرتك مين فيهم قدم برنامج حقيقي للتنمية غير الظهور على شاشات الفضائيات وتوجيه النقد والنقد فقط؟ صحيح مطلوب نسمعلهم وندعمهم ربما يكون فيهم الأمل لكن مش لازم نسمع فقط لازم نشتغل إحنا كمان.

طيارتنا طلعت ، عشان كدة لازم نحافظ عليها. غيرنا طيارتهم لسة على الأرض وبيحاولوا. إنت مضطر تحافظ على الطيار شوية حتى لو إنت مش طايقه لحد ماتوصل على الأرض وبعد كدة حاسبه. إلا لو كنت محظوظ جداً جداً ومعاك طيار تاني وسط الركاب لكن برضه ماإنتش عارف حاياخدك على فين.

بس سواء عاجبنا الطيار أو مش عاجبنا لازم ناخد بالنا..

إن البنزين قرب يخلص.

أشرف صالحين

Advertisements

About Ashraf Saleheen

A caller for Peace. Passionate about my beliefs. Business Development Manager. Building Material Industry. Member of the Worldwide Association for Marketing Executives (Washington DC) Located in Dubai
This entry was posted in أرائي. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s