دين أبوهم… إسمه كرسي


Image

لسة بتسأل ياعم جمال دين أبوهم إسمه إيه؟

لسة فاكر حد حايرد عليك يابيه؟

راح مبارك جم إخوان

دين أبوهم بالسياسة إتهان

لزقوا في الكرسي

وحطوا عليه مرسي

شالوا نايب

وحطوا نايب

كتبوا بإيديهم دستور العجايب

رسموا فيه أمنا الغوولة

شايلة ورد بتضحك

وسنانها مسنونة

وأبو رجل مسلوخة لابس بدلة

حاطط على وشه إبتسامة هبلة

مخبي الخناجر بين البنود

ناوي عالأذية للشعب والجنود

 كتبوا بإيديهم دستور العجايب

قولوا ياسامعين للي حاضر وإللي غايب

الريس بيحلف تاني

وتالت ورابع

زي الأغاني

بيقول حاحترمكم دة مصيركم تحت سناني

وإللي إتظلم فيكم

يجيني في الإتحادية

يقول ليه إتظلم

وحقه في رقبتي ..وحياه الثورة دية

دا العدل عنواني

والظلم راح مش راجع تاني

وراس سيدنا عمر ماحتغمض عينيا

قبل ماجيب حق الشهيد

قبل مايطلع نهار جديد

فتح صدره وقال مابخافش

وتاني يوم عند الإتحادية

هرب من ورا بالعربية

ركب الطيارة وسافر

راح عند ناس بتفهم

قالوله إسمع يابني وإفهم

إحنا بنفكر بدماغنا مالناش حوافر

رجع الريس تاني

مش لاقي كلام ولا لاقي أغاني

شال المفتاح وراح عالإتحادية

لقى الباب مقفول من الناحية دية

قال أدخل من الناحية التانية

ولعت الدنيا في ثانية

ناس غضبانة وناس مجنونة

بيقولوا يامرسي

عصرنا على نفسنا لمونة

وفي الأخر جاي تكذب علي أبونا

جاي تشيلنا خيبة الأمل

بعد مالجمل

داس على ولادنا وقتلونا

لسة بتسأل ياعم جمال دين أبوهم إسمه إيه؟

لسة فاكر حد حايرد عليك يابيه؟

دين أبوهم يا سعادة البيه…

دين أبوهم قاعد عليه مرسي 

دين أبوهم 

إسمة كرسي….

______________.

————-
أشرف صالحين

Advertisements

About Ashraf Saleheen

A caller for Peace. Passionate about my beliefs. Business Development Manager. Building Material Industry. Member of the Worldwide Association for Marketing Executives (Washington DC) Located in Dubai
This entry was posted in كلماتي - زجليات. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s