الناس اللي برة ، والناس اللي جوة


zamalek 3

– طب وبعدين ؟
حنعمل ايه في الناس اللي دخلت الاستاد بأدب وإحترام وكان معاهم تذاكر وما حصلهمش حاجة
– طب مين دخلهم يا باشا؟
– هي هي نفس الشرطة اللي بيقولو هما اللي موتو العيال
– طب ازاي يعني حصلت دي؟ يعني ازاااااااي في ناس دخلت ومماتتش؟ وناس مادخلتش وماتت؟ ، فهمهالي انا بأة دي
– أيوة يابني مش انت اتفرجت عالماتش؟
– أيوة
– وشوفتو بعينيك؟
– أيوة
– طيب شفت في ناس محترمة قاعدة ولا لأ؟
– شفت
– شفت الماتش فين؟
– في التليفزيون
– الله ؟ يعني ماكنتش عند الاستاد يعني
– لأ أنا ماكنتش هناك وكتاب الله ما كانت هناك
– طب ماتحلفش ، أومال ازاي كنت بتحلف ايمانات ربنا من شوية و إزاي متأكد كدة وعارف الولاد دول ماتو ازاي؟ إزاي يعني متأكد كدة إن الشرطة هي إللي مووتت العيال؟ أو حتى غير الشرطة يا أخي ؟ طب إنت عارف إن في شرطة ماتو؟
– آه سمعت
– طب تفسيرك لدة إيه؟
– أهي شرطة هبلة بيموتولهم شوية من عندهم قال إيه مش هما إللي موتو العيال.
– لا يا شيخ؟
– طب إنت عارف عدد اللي هجموا عالاستاد كان كام؟
– ياباشا وانا حاعدهم؟ شوية شوية حتقوللي أسماءهم إيه واحد واحد ، أهم ييجي خمسمية واحد كدة
– وإنت كنت هناك أصلاً؟ طيب أنا حاقوللك ، في ناس قالت عشرتلاف وناس قالت ألفين وناس قالت تلتمية وناس قالت ربعمية وأمي قالت ألف. اصدقك انت بأة ولا أصدق أمي؟
– لأ أمك يا باشا طبعاً
– إنت شايف كدة؟
– طبعاً يا باشا هو في أغلى من الأم؟
– طب ما سألتش نفسك حد رايح يتفرج على ماتش كورة ويهجم عالإستاد ويحرق عربيات شرطة؟ دة غير الناس الغلبانة إللي ماتت؟ ما سألتش نفسك مين له مصلحة إن دة يحصل شرطة ولا إخوان ولا وطني ولا حماس ولا غيرهم؟ على طول قلت شرطة؟
– ماهو ماتش كورة ياباشا ، عادي يعني بيحصل زحمة وخناقات وكدة ومفيش غير الناس والشرطة معقولة الناس تموت نفسها؟
– يابني بأقوللك في ناس كانت جوة دخلت بإحترام وخرجت بإحترام إللي برة دول كانو إيه بأة؟ رايحين يخشوا بالعافية من غير تذاكر. انت تعرف تركب الاتوبيس من غير تذكرة؟ تعرف تركب مترو من غير تذكرة؟ دة حتى الحج مش حتقدر تحج من غير تذكرة. ما فكرتش هما رايحين ليه؟ إنت يابني بتفكر؟ بتشغل مخك يعني؟
– طبعاً يا باشا دانا الجينيوس بتاع الشللة !
– طب يا جينيوس ، تشرب إيه بأة؟
– بانجو سكر خفيف ياباشا طبعا !!!


أشرف

Advertisements

About Ashraf Saleheen

A caller for Peace. Passionate about my beliefs. Business Development Manager. Building Material Industry. Member of the Worldwide Association for Marketing Executives (Washington DC) Located in Dubai
This entry was posted in أرائي. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s